ரயில் பயணிகளுக்கு புதிய வசதி! ரயில்வே நிர்வாகம் அறிவிப்பு!

ரயில்வே துறை:

இந்தியாவில் டிஜிட்டல் இந்தியா திட்டம் அமல்படுத்தப்பட்டு தற்போது வெற்றிகரமாக செயல்படுத்தப்பட்டு வருகிறது.இந்த திட்டம் பல துறைகளில் செயல்படுத்தப்பட்டு வருகிறது. இந்த திட்டத்தில் பல தொழில்நுட்ப மாற்றங்கள் கொண்டுவரப்பட்டுள்ள நிலையில், ரயில்வே துறையும் டிஜிட்டல் இந்தியா திட்டத்தில் அப்டேட் ஆகி இருக்கிறது. அந்த வகையில் ரயில் நிலையங்களில் உள்ள உணவு தயாரிப்பு நிறுவனங்கள் வாயிலாக உணவுப் பொருட்களை கொள்முதல் செய்வதற்கு மின்னணு பரிவர்த்தனைகளை மேற்கொள்ள நடவடிக்கை எடுக்கப்பட்டுள்ளது.

இதுவரை மொத்தம் 8878 நிறுவனங்களில், மின்னணு பணப் பரிவர்த்தனைகளுக்கான வசதி ஏற்படுத்தப்பட்டுள்ளது. அதன் படி ரயில் நிலையங்களில் விற்கப்படும் உணவுகளில் விலையை அச்சிட்டு கொடுக்க கையடக்க எந்திரங்கள் (Handheld PoS machine) கொண்டுவரப்பட்டுள்ளன. இதுவரை 596 ரயில்களில் 3081 கையடக்க விற்பனை பதிவு எந்திரங்கள் பயன்படுத்தப்பட்டு வருவதாக தெரிவிக்கப்பட்டுள்ளது. மேலும் 4316 உணவு தயாரிப்பு நிறுவனங்களுக்கு இந்த எந்திரங்கள் கொடுக்கப்பட்டுள்ளன.

மேலும் ரயில்களில் பயணம் செய்யும் பயணிகளின் வசதிகாக இ- கேட்ரிங் வசதியை இந்திய ரயில்வே அறிமுகம் செய்துள்ளது. அதன் மூலம் ரயில் பயணிகள் பயண சீட்டை இ-டிக்கெட் மூலம் முன்பதிவு செய்யும் போதே தேவையான உணவுகளை தேர்வு செய்து முன்பதிவு செய்து வைத்து கொள்ளலாம் அல்லது பயணம் செய்யும் போது செயலி, சேவை மையம், இணையதளம் போன்றவை மூலமாகவோ அல்லது 1323 என்ற எண் மூலம் உணவுகளை முன்பதிவு செய்து கொள்ளலாம். இந்த வசதி தற்போது 310 ரயில் நிலையங்களில் இருக்கிறது. இந்த வசதி மூலமாக ஒரு நாளுக்கு 41,844 உணவு வகைகள் வழங்கப்பட்டு வருவதாக தெரிவிக்கப்பட்டுள்ளது.

முக்கிய குறிப்பு:

மேலும் இது போன்ற தகவலை தெரிந்து கொள்ள தமிழன்ஜாப்ஸ் இணையதளத்துடன் இணைந்திருங்கள்!!